◄بــإيــديــكــــي دبــحـتـيـنـــــي►

زائر

[ندعوك للتسجيل في المنتدى أو التعريف بنفسك لمعاينة هذا الرابط]

مستنيها زي كل يوم تجيلي
وتقولي حبيبي وحشتني
ياللي بحياتكـ الحلوه عيشتني
وعلى الضحكه دايما عودتني

مستنيها تجيني وتترمي في حضني
تعرف اللي مفرحني واللي تاعبني
واللي بتحسه من قبل ما أقوله
وتقعد وتكمل معايا اليوم بطوله

زي كل يوم مستنيها وواقف
جايه عليا من بعيد وشايف
مش زي كل يوم جايه بتجري
حاجه جواها تعباها وانا عارف

وقفت قدامي وبتبكي
مش عارف على مين
على حبي ولا ضياع السنين
سنين كلها حب وحنين

قالتلي بكل سهوله احنا هنبعد
انا هنساكـ وانت تحاول تبعد
قستني ماعرفتش ارد عليها
وفجأه لاقيت الدموع في عينيها

أداوي جرحكـ. . ولا جرح قلبي
قوليلي عملت ايه . وايه ذنبي
تضيعيني وتقتلي قلبي
وأضيع وأتوه ويا السنين

ذنبي ايه انا أعيش من غيركـ
ذنبي ايه لما أتكوي بناركـ
وأعيش انا ليه وأسهر مع غيركـ
ياللي انا كنت أمير ليلكـ ونهاركـ

أديكي هتمشي وعارف هتنسيني
وانا هفضل عايش بدموع عيني
وفين وفين لما السنين تنسيني
جرح ودموعي وعذابي وأنيني

انا اتصدمت فيكي بجد
قسوتكـ عليا مالهاش حد
وقفت قدامكـ ومش عارف أرد
ياللي بإيديكي دبحتيني